ტომ. 31 (2024): ქართველოლოგი

მთავარი რედაქტორის შენიშვნა

ჟურნალ „ქართველოლოგის“  ეს სპეციალური გამოცემა ეძღვნება ბარლაამისა და იოასაფის ლეგენდას, შუასაუკუნეების ბიზანტიური, ქართული და არაბული ლიტერატურების ერთ ყველაზე ფართოდ გავრცელებულ ნარატივს. კრებული აერთიანებს ამ თემისადმი მიძღვნილი საერთაშორისო კონფერენციის (11-13 აპრილი, 2024 წ., ივანე ჯავახიშვილის სახელობის თბილისის სახელმწიფო უნივერსიტეტი)  მოხსენებების ერთ ციკლს.  იგი ეხება ამ ნარატივის ერთი ახალაღმოჩენილი ვერსიის არაერთგვაროვან მეცნიერულ ინტერპრეტაციებს, რომელთა პუბლიკაცია მნიშვნელოვანი იქნება ამ პრობლემის კვლევის უმთავრესი ცენტრებისათვის, ბიზანტინოლოგთა,  ქართველოლოგთა და აღმოსავლეთმცოდნეთათვის.

გამოცემის ხასიათი:

ჟურნალის წინამდებარე ნომერი მოიცავს როგორც სრულ სამეცნიერო სტატიებს, ასევე მოკლე საკონფერენციო მოხსენებებს, რაც ასახავს კონფერენციაზე გაჟღერებულ აკადემიურ მოზარებათა მრავალფეროვნებას. აზრთა ეს სხვადასხვაობა საშუალებას იძლება, რომ გამოიკვეთოს ბარლაამისა და იოასაფის თანამედროვე შესწავლის სურათი სხვადასხვა დისციპლინებისა და მეთოდოლოგიის მიხედვით.

ბიბლიოგრაფიული ფორმატი:

ბარლაამისა და იოასაფის შესახებ არსებული კვლევების მრავალენოვანი და კროსკულტურული ხასიათიდან გამომდინარე, ჟურნალის წინამდებარე ნომერი მოიცავს კვლევებს, რომლებიც ეყრდნობა მრავალ ენაზე არსებულ წყაროებს, მათ შორის  ბერძნულ, ლათინურ, ქართულ და არაბულ, ენებს. შესაბამისად, ზოგიერთ სტატიაში ბიბლიოგრაფიული ცნობები მიჰყვება მათი შესაბამისი სამეცნიერო ტრადიციებისთვის დამახასიათებელ ციტირების წესს და არა ჟურნალის სტანდარტულ APA ფორმატს. თითოეული სტატია ინარჩუნებს შიდა თანმიმდევრობას ციტირების სისტემაში.

                                                                                                                                                     ელგუჯა ხინთიბიძე