ქართველი მეცნიერი გრიგოლ ფერაძე - ბერლინის უნივერსიტეტის სტუდენტი

ანოტაცია

გრიგოლ ფერაძე (1899-1942 წწ.) მნიშვნელოვან ქართველოლოგიური მუშაობას ეწეოდა გერმანიაში, ინგლისში, საფრანგეთსა და პოლონეთში. იგი იყო სასულიერო მოღვაწე და მისი მეცნიერული საქმიანობაც უპირატესად შუასაუკუნეების ქართული ქრისტიანული მწერლობის შესწავლას და მის ევროპუ; ჰუმანიტარულ სამეცნიერო წრეებში შეტანას ემსახურებოდა. იგი როგორც ჰიტლერული რეჟიმის აქტიური მოწინააღმდეგე მოწამეობრივად აღესრულა გერმანულ საკონცენტრაციო ბანაკში და წმინდანადაა შერაცხული.

               წინამდებარე სტატიაში საარქივო მასალაზე დაყრდნობითაა შესწავლილი მისი ბერლინში უმაღლეს სასწავლებელში სწავლის პერიოდი. უფრო დაწვრილებით საარქივო ცნობები ამ პერიოდში მის საქმიანობაზე შეიძლება იხილოთ გერმანულენოვან პუბლიკაციაში: Steffi Chotiwari-Junger, Die eine Welt-Grigol Peradse in Berlin and Potsdam vom 4. Jannuar 1922 bis (8.) 29. April 1925: Georgica, 30, 2010, s. 9-36.